ეთქვათ კენჭი „თავისუფალი საქართველოს“ სახელით იყარონ

კახა კუკავა მოუწოდებს კანდიდატებს, რომლებსაც რეგისტრაციაზე უარი ეთქვათ კენჭი „თავისუფალი საქართველოს“ სახელით იყარონ

პარტიის თავმჯდომარის - კახა კუკავას განცხადებით, ადგილობრივი საოლქო კომისიები სერიოზულ პრობლემებს უქმნიან იმ პირებს, ვისაც სურთ კანდიდატად დარეგისტრირება საინიციატივო ჯგუფების სახელით. გარდა ამისა, ბევრი კანდიდატი, რომელთაც ადრე წარდგენა შეპირდნენ, გადააგდეს საკუთარმა პარტიებმა.

„ნებისმიერი მოქალაქე, ვინც დარჩა რეგისტრაციის პროცესის მიღმა, მოგვმართოს და ჩვენ წარვადგენთ მათ შესაბამისი მუნიციპალიტეტის თვითმმართველობის ორგანოს კანდიდატებად,“ – ამის შესახებ დღეს გამართულ ბრიფინგზე პარტია “თავისუფალი საქართველოს” ხელმძღვანელმა - კახა კუკავამ განაცხადა.

მისივე თქმით, არანაირ მნიშვნელობა არ აქვს კანდიდატის პოლიტიკურ შეხედულებებს – მთავარია ავტორიტეტი და რეიტინგი საკუთარ ქალაქში, უბანში თუ სოფელში.

პარტია „თავისუფალი საქართველო“ რეგისტრაციის მსურველებს მოუწოდებს, დროულად მიაწოდონ ინფორმაცია პარტიის ცხელ ხაზზე:
Email: Freegeorgia2010@gmail.com
Tel: 574 02 46 46, 598 34 05 17.