დღეს ბრიფიქნგი გამართა პარტია "თავისუფალი საქართველოს" თავმჯდომარემ - კახა კუკავამ, რომელმაც ხელისუფლებას მოუწოდა ანტიკოეუფციული ბიუროს ხელმძღვანელად ოპოზიციის წარმომადგენელი დანიშნოს:
"ბოლო დღეებში მოწმე გავხდით რომ თავად ხელისუფლების მიერ დადასტურებული მტკიცებულებებითაც კი უმაღლესი სახელმწიფო ხინოვნიკები მილიონობით დოლარის კორუფციაში არიან ჩართული, სიახლე იყო მხოლოდ ის, რომ ეს ხელოსუფლებამ აღიარა. საქმეში ჩახედულმა ადამიანებმა, პორველ რიგში კი მეწარმეებმა, კარგად იციან რომ ყველა ტენდერი, პრივატიზაცია და ლიცენზია საქართველოში მხოლოდ ქრთამის საფუძველზე გაიცემა და წლიურად კორუფციის მაშტაბი საქართველოში მილიარდს აღემატება. სრულიად უპერსპექტივოა კორუფციასთან ბრძოლა მაშინ როდესაც კორუფციის ჭაობში ჩაფლული არიან მმართველი პარტიის ლიდერები - პრემიერ მინისტრი, ძალოვანი მინისტრები და რაც ყველაზე კომიკურია ანტიკორუფციული სამსახურის ხელმძღვანელები, ამიტომაც მივმართავთ ხელოსუფლებას, თუ მართლაც გსურთ კორუფციასთან ბრძოლა და არა უბრალოდ ღარიბაშვილთან ან ლილუაშვილთან პოლიტილური ანგარიშსწორება, დანიშნეთ:
1. ანტიკორუფციული ბიუროს უფროსად ოპოზიციის მიერ წარდგენილი კანდიდატი;
2. ანტიკორუფციულ ბიუროს მიენიჭოს საპროკურორო, საგამოძიებო და ოპერატიულ სამძებრო უფლებამოსილებები;
ზ/ა მოდელი აპრობირებული პრაქტიკაა ცივილიზებულ ქვეყნებში, როდესაც გამოძიებას ხელოსუფლების მიერ ჩადენილ დანაშაულებზე ატარებს დამოუკიდებელი ორგანო, რადგანაც ხელისუფლებას სურვილის შემთხვევაში ისედაც მრავლად გააჩნია შესაბამისი ბერკეტები: შსს, უშიშროების სამსახური და პროკურატურა.
თუ ხელისუფლება მოხდა სასწაული და დათანხმდა ამ ინიციატივას, მზად ვარ წარვადგინო ამ პოსტზე ჩემი კანდიდატურაც და გარანტიას ვიძლევი, რომ ყოველწლიურად სახელმწიფო ბიუჯეტში დავაბრუნებ არანაკლებ 1 მილიარდ ლარს. ხოლო დაპატიმრებულთა შორის იქნებიან არამხოლოდ ყოდილი, არამედ მოქმედი ჩინოვნიკებიც. თუმცა რა თქმა უნდა დარწმუნებული ვარ, რომ კორუმპირებული ხელისუფლება თავის მოსაკლავ დანას საკუთარი ხელით არ გადმოგვცემს, რაც იქნება კიდევ ერთი დასტური იმისა, რომ ღარიბაშვილს ასამართლებენ არა ქრთამის აღებისთვის, არამედ იმისთვის, რომ აღებული ქრთამიდან დადგენილი პროცენტი შავ სალაროში არ გადაიხადა და ეს იქნება პირდაპირი მტკიცებულება იმისა რომ საქართველოში ელიტური კორუფცია ყვავის ისე როგორც არასდროს".
